本課程深耕台語傳承與家庭教育，透過沈浸式互動，引導家長建立本土語言意識。我們陪您從日常對話出發，把母語找回來，讓台語成為連結親情、傳遞文化最溫暖的力量，共創母語友善家庭。
◸ 講座資訊 ◿
✴ 日期時間｜2026/05/22㊄ 15:00-17:00
✴ 講師｜董力玄
✴ 主題｜毋但教出台語力—— uì 台語 ê 前世今生，到家庭底 ê 母語實踐
✴ 內容說明｜這馬定定聽著人講：「台語我聽有，毋過袂曉講。」
這句話 ê 背後，其實藏有台灣百年來 ê 語言變遷。
你敢有想過：為啥物過去逐家攏會講 ê 台語，今仔日煞需要重新來學？為啥物愈來愈濟父母，開始選擇用台語 kah 囡仔講話？
這場講座，欲 uì 台語家庭 ê 親身經驗出發，分享台語是按怎 tī 短短一兩代之間，漸漸仔佇家庭中消失；嘛欲予大家了解語言 ê 迷思，和較少人知影 ê 台語歷史。
這毋但是一个語言 ê 故事，嘛是一段重新揣轉家己 ê 根佮認同 ê 旅程。
✴ 適合族群｜台語學習家庭／社群
✴ 日期時間｜2026/05/23㊅ 19:00-21:00
✴ 講師｜洪子偉
✴ 主題｜語言如何變成認知戰 ê 武器？
✴ 內容說明｜真濟人感覺「講台語」干焦是溝通，毋過其實背後有真深 ê 文化底氣。
過去威權時代留落來 ê 語言控制，若是無處理好，現此時就會變做極權政府利用演算法來「洗腦」咱 ê 空縫。這場講座，欲邀請認知科學哲學、語言哲學家——洪子偉老師，來分析：中國 ê 認知戰是按怎利用語言kap文化，偷偷仔入來到咱 ê 生活。
• 語言那會變做認知戰 ê 武器？
• 長期予外來文化滲透，咱 ê 母語會變按怎？
• 守護台語，就是守護台灣最好 ê 反制手段！
✴ 適合族群｜皆適合
✴ 日期時間｜2026/05/25㊀ 14:00-16:00
✴ 講師｜張尹馨
✴ 主題｜親子語言意識啟發 【你號做啥？台語時光機──陪你行過一百冬ê名號故事】
✴ 內容說明｜一个人有幾个名？
去學校老師、同學是用華語叫我ê名。你敢有台語ê名？
爸爸媽媽號ê名、厝裡ê人叫ê偏名、同學號ê偏名⋯
透過繪本，引導囡仔去思考「名字」，
你想欲人按怎稱呼你的名？台語人想欲按怎稱呼這个語言？
✴ 適合族群｜台語文化家庭親子
✴ 日期時間｜2026/05/26㊁ 15:00-17:00
✴ 講師｜董力玄
✴ 主題｜台語原來有字！——熟似台語文字 ê 歷史佮魅力
✴ 內容說明｜「台語無字」是真濟台灣人不知不覺予人灌輸 ê 觀念，毋過事實上，台語毋但有字，而且已經有超過百外年的文字發展歷史。
這場講座欲對台語文字 ê 歷史講起，破解「台語無字」 ê 迷思，透過互動式卡牌遊戲，予逐家親身體驗：原來台語文字趣味閣實用。
你會發現：台語毋但會當講，koh 會當讀、會使寫，而且並想像中有系統。
其實，只要掌握台語羅馬字，就親像提著一支鎖匙，會當予你正確發音，建立獨立學習的能力。
✴ 適合族群｜皆適合
✴ 日期時間｜2026/05/27㊂ 15:00-17:00
✴ 講師｜李孟珊
✴ 主題｜一張圖會當講出偌濟話？陳澄波、台語、佮咱ê島
✴ 內容說明｜台語毋但是日常生活ê語言，抑可以是一種理解世界ê方式。這場講座結合哈佛大學零點計畫「看藝術學思考」（Artful Thinking）ê 思考方式，邀請逐家透過陳澄波ê圖參台語，對一幅畫開始，想起家己往過 ê 代誌佮過去ê 經驗，予台語對畫框內底行出來，變成你思考、觀察ê 方式。
✴ 適合族群｜大班以上親子、大人
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
📢逐家注意！毋但是看展覽，是欲送禮物予逐家啦！🎁
台語七聲八調變做聲音裝置？抑閣有「做伙拚台語」比賽？！
展覽現場閣有台語家庭專屬抾點活動！？若有遐爾好空ê代誌，無來絕對會後悔！
「拚台語 Piànn Tâi-gí」巡迴展，邀請逐家做伙入來阮的展覽行踏！
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
🌟 展覽重點緊來看，予你「有食閣有掠」：
【🗺️ 聽看覓故鄉的禮物】
台語聲調懸懸低低，親像唱歌。來到遮的聲音裝置，聽看覓 宜蘭、鹿港、台南、高雄等等無仝所在的腔口。你是佗位人？緊來揣你「故鄉的聲音」！
【👾 鬥陣拚台語】
阮為著這改展覽特別設計的數位耍物仔！無論你是「當咧學行的台語初學者」，抑是純度100% 的「正港內行的」，做伙來拚台語、提稱號！
【✍️ 互動創作裝置】
現場提供羅馬字貼紙，邀請你佇展牆頂拼貼屬於你的台語詩。閣會當用平板錄音，予你的聲音佇展場迴響，成做展覽的一部分！
【📖 台語文共讀】
阮準備上豐富的台語繪本kap冊，上適合阿公阿媽牽孫仔、爸爸媽媽陪囡仔講故事，嘛適合一个人提一本佮意的台語冊，做伙佇遮感受母語的溫度。
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
💰台語家庭大放送！抾點換好禮 💰
✅只要你現場加入「台語家庭計畫」，抑是你是舊有的成員，攏會當換特別的小禮物！
✅現場活動抾點：看展覽閣會使參加活動，抾點足簡單！
✅專屬任務：看展覽完成展場DM集點，就會當有一改抽獎品的機會！
✅推廣獎勵：𤆬親戚朋友鬥陣來註冊，逐家攏有野獎。
