◸ 豐富的活動內容 ◿
講台語是真時行的代誌！台語毋但是咱的根，閣較是予大腦思考較靈活、看著多元世界上讚的鎖匙。這擺阮攢足濟無仝款閣豐富的活動，欲陪逐家做伙提升語言佮文化的意識，予母語真正行入咱的生活。對大師級的講座到趣味的互動體驗，邀請關心本土文化佮語言的你，看好你佮意的活動，趕緊來報名，鬥陣拚台語！
📌 【展覽佮活動資訊】
活動地點｜高雄展覽館 北館 攤位N533（臺灣國際兒童及青少年嘉年華-未來世代冊展）
展覽時間｜逐工 11:00-19:00
活動時間｜依各場活動時間為準（請參考下底活動說明）
1. 精彩主題講座
台語使用比例｜90%
- 日期時間｜2026/09/24 ㊃ 14:00-15:00
- 講師｜周清玉 董事長
- 主題｜意識培力講座
- 內容說明｜阮邀請著財團法人關懷文教基金會董事長周清玉女士，來介紹in基金會 出版的彰化各鄉鎮的繪本。
- 適合族群｜幼兒、學童、青少年雙語教育有興趣的民眾、親子
- 報名參加會當得著台語家庭抾點活動-意識培力1點
日期時間｜2026/09/25 ㊄ 14:00-16:00
- 講師｜玉米辰
- 主題｜掀開繪本講議題：用咱的母語，做伙佮囡仔傾聽土地的聲
- 內容說明｜用母語講繪本，毋但是講故事，閣會使探討真深的在地議題。玉米辰老師欲分享按怎利用台語繪本，帶領囡仔用心傾聽、關懷咱所踩的這片土地。
- 適合族群｜台語家庭/社群、對台語繪本有興趣的人
- 報名參加會當得著台語家庭抾點活動-講座2點
日期時間｜2026/09/26 ㊅ 14:00-16:00
- 講師｜陳這
- 主題｜啥人講新世代干焦會曉用華文創作？
- 內容說明｜探討新世代的台語文創作能量，看少年輩按怎用台文寫出屬於這世代的文學佮思想，拍破只有華文創作的迷思！
- 適合族群｜青年世代、對台文創作佮台灣文學有興趣的逐家
- 報名參加會當得著台語家庭抾點活動-意識培力2點
日期時間｜2026/09/27 ㊐ 14:00-16:00
- 講師｜周俊廷
- 主題｜來聽動物的台語《台灣動物來唱歌2》新書分享
- 內容說明｜透過新書分享，帶逐家做伙熟似台灣原生動物的台語講法，兼聽好聽的囡仔歌，予生態與母語結合。
- 適合族群｜攏總適合、對生態與囡仔歌有興趣的大小朋友
- 報名參加會當得著台語家庭抾點活動-講座2點
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
2. 台語講故事
為親子創造的沉浸式台語互動活動，透過故事佮手作，予台語自然行入囡仔的世界！
- 台語使用比例｜90%
- 報名參加一場會當得著台語家庭抾點活動1點
- 日期時間｜
- 2026/09/23 ㊂ 17:00-18:00 —— 【春天佇佗位】 Ft. 寶島台語囡仔古 老師
- 2026/09/24 ㊃ 17:00-18:00 —— 【動物大對決】 Ft. 寶島台語囡仔古 老師
- 2026/09/25 ㊄ 17:00-18:00 —— 【阿姨有烏鞋-無】 Ft. 寶島台語囡仔古 老師
- 2026/09/26 ㊅ 17:00-18:00 —— 【來𨑨迌】 Ft. 寶島台語囡仔古 老師
- 2026/09/27 ㊐ 17:00-18:00 —— 【上恐怖的這一工】 Ft. 寶島台語囡仔古 老師
- 適合族群｜台語文化家庭親子、想欲全台語互動經驗的家庭
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
3. 鬥陣拚台語 互動特別版
展覽現場上刺激的互動數位遊戲，歡迎現場觀眾、大人囡仔做伙組隊抑是個人來挑戰！
- 台語使用比例｜90%
- 報名參加一場會當得著台語家庭抾點活動1點
- 活動時段｜拜四到禮拜（9/24-9/27）12:00-13:00｜9/24㊃ 15:30-16:30
- 活動內容｜無論你是拄才咧學行的台語初學者，抑是純度 100% 正港內行的，做伙來拚台語、提專屬的稱號！
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
📢 逐家注意！毋但是看展覽，是欲送禮物予逐家啦！
🎁台語七聲八調變做聲音裝置？猶閣有「鬥陣拚台語」比賽？！
展覽現場有台語家庭抾點活動閣會當換獨家禮物！哪會有遮爾好空的代誌！無來絕對會後悔！
「拚台語 Piànn Tâi-gí」巡迴展，邀請逐家做伙入來阮的展覽行踏！
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
🌟 展覽重點緊來看，予你「有食閣有掠」：
- 【🗺️ 聽看覓臺灣地方的聲音】
台語聲調懸懸低低，親像咧唱歌。遮的聲音裝置，會當聽著台語的聲調，嘛會當聽著無仝所在的腔口。緊來聽「臺灣的聲音」！ - 【👾 鬥陣拚台語】
這改展覽特別設計的數位遊戲，無論你是「當咧學行的台語初學者」，抑是純度100％「正港內行的」，做伙來拚台語、提稱號！ - 【✍️ 互動創作裝置】
現場有提供羅馬字貼紙，邀請你佇展板頂鬥出你的台語語句。閣會當用平板錄音，予你的聲音佇展覽場回響，成做展覽的一部份。 - 【📖 台語文共讀】
阮有準備上豐富的台語繪本佮冊，上適合阿公阿媽𤆬孫仔、爸爸媽媽陪囡仔講故事，嘛適合一个人提一本佮意的台語冊，做伙佇遮感受母語的溫度。
💰 台語家庭大放送！頓印仔＆獨家禮物兌換說明 💰
✅ 只要你加入「培育台語家庭計畫」註冊而且縛定台語家庭／社群，就會當換台語家庭限定尪仔袋仔。
✅ 獨家頓印仔任務：佇展覽現場完成DM頓印仔任務，而且有正確回答關主的問題，就有一改抽獎的機會！（L夾/貼紙/冊籤，抽一个）
✅ 加入LINE官方口座提徽章：註冊台語家庭會員而且加入LINE官方口座，就會使提著展覽獨家徽章。
✅ 鬥陣拚台語：只要挑戰鬥陣拚台語，得著Level.4(包含)以上稱號，共挑戰成功畫面傳去LINE官方口座，就會使提著展覽獨家加薦零星袋仔（數量有限，送完為止）。
✅ 開始抾點足簡單！加入台語家庭平台會員，若是參加現場抾點活動（佇accupass頂懸報名），就會使開始抾點！。
