◸ 豐富的活動內容 ◿
講台語是真時行的代誌！台語毋但是咱的根，閣較是予大腦思考較靈活、看著多元世界上讚的鎖匙。這擺阮攢足濟無仝款閣豐富的活動，欲陪逐家做伙提升語言佮文化的意識，予母語真正行入咱的生活。對大師級的講座到趣味的互動體驗，邀請關心本土文化佮語言的你，看好你佮意的活動，趕緊來報名，鬥陣拚台語！
1. 精彩主題講座（地點｜審計365新創聚落 青創講堂）
台語使用比例｜90%
- 日期時間｜2026/07/18 ㊅ 13:30-15:30
- 講師｜李孟真 老師
- 主題｜台語是通關密碼：打開多語腦的黃金鑰匙！
- 內容說明｜你敢知影臺灣是多語的國家？台語閣有啥物神奇的魔法？邀請逐家做伙來解鎖「多語腦」的秘訣，予台語變做上好的禮物。
- 適合族群｜幼兒、學童、青少年雙語教育有興趣的民眾、親子
- 報名參加會當得著台語家庭抾點活動-意識培力2點
日期時間｜2026/07/19 ㊐ 13:30-15:30
- 講師｜洪惟仁 教授
- 主題｜咱的腔口，咱的根：洪惟仁教授解密中臺灣台語地圖
- 內容說明｜臺灣每一个地方的台語腔口攏有伊特別、迷人的風采。這場講座特別邀請研究腔口足重要的學者洪惟仁教授，𤆬逐家解密中臺灣的台語地圖。
- 適合族群｜台語家庭/社群、對本土語言有興趣的人
- 報名參加會當得著台語家庭抾點活動-意識培力2點
日期時間｜2026/07/21 ㊁ 13:30-15:30
- 講師｜王麒愷 老師
- 主題｜揣回咱的故鄉腔：故鄉母語的保存佮傳承
- 內容說明｜故鄉的腔口，是咱佮故鄉上深的連結。佇這个時代，欲按怎共母語好好仔保存、一代傳一代？綴阿愷之聲的阿愷，做伙來開展母語的生活實踐。
- 適合族群｜台語家庭/社群、少年世代、母語傳承有熱情的人
- 報名參加會當得著台語家庭抾點活動-意識培力2點
日期時間｜2026/07/23 ㊃ 13:30-15:30
- 講師｜玉米辰 老師
- 主題｜掀開繪本講議題：用咱的母語，做伙佮囡仔傾聽土地的聲
- 內容說明｜用母語講繪本，毋但是講故事，閣會使探討真深的在地議題。玉米辰老師欲分享按怎利用台語繪本，帶領囡仔用心傾聽、關懷咱所踩的這片土地。
- 適合族群｜台語家庭/社群、對台語繪本有興趣的人
- 報名參加會當得著台語家庭抾點活動-講座2點
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
2. 親子工作坊／講故事（地點｜審計365新創聚落 青創講堂）
為親子創造的沉浸式台語互動活動，透過故事佮手作，予台語自然行入囡仔的世界！
- 台語使用比例｜90%
- 報名參加一場會當得著台語家庭抾點活動1點
- 日期時間｜
- 2026/07/18 ㊅ 17:30-18:30 —— 【台語說故事-十粒卵】 Ft. 對囡仔講台語 拉拉老師
- 2026/07/19 ㊐ 17:30-18:30 —— 【台語園藝課-媠媠水苔球】 Ft. 凃宏明 老師 ▲準備用過的塑膠橐仔囥植物
- 2026/07/21 ㊁ 17:30-18:30 —— 【台語說故事-來𨑨迌】 Ft. 對囡仔講台語 敏今老師
- 2026/07/23 ㊃ 17:30-18:30 —— 【台語手作課-炊發粿】 Ft. 對囡仔講台語 拉拉老師
- 適合族群｜台語文化家庭親子、想欲全台語互動經驗的家庭
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
3. 鬥陣拚台語 拜六禮拜特別版 (展覽現場）
展覽現場上刺激的互動數位遊戲，歡迎現場觀眾、大人囡仔做伙組隊抑是個人來挑戰！
- 台語使用比例｜90%
- 報名參加一場會當得著台語家庭抾點活動1點
- 活動時段｜拜六禮拜兩工（7/18 ㊅、7/19 ㊐） - 第一場：16:00-17:00 - 第二場：18:00-19:00
- 活動內容｜無論你是拄才咧學行的台語初學者，抑是純度 100% 正港內行的，做伙來拚台語、提專屬的稱號！
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
4. 拚台語展覽導覽 (展覽現場）
由導覽員𤆬路，體驗展覽場各項聲音裝置佮互動裝置的魅力。
- 台語使用比例｜90%
- 報名參加一場會當得著台語家庭抾點活動1點
- 下晡 15:30 場
- 7/15 ㊂、7/16 ㊃、7/17 ㊄、7/20 ㊀、7/22 ㊂｜15:30-16:30
- 下晡 16:00 場
- 7/21 ㊁、7/23 ㊃｜16:00-17:00
- 下晡 15:30 場
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
📢 逐家注意！毋但是看展覽，是欲送禮物予逐家啦！
🎁台語七聲八調變做聲音裝置？猶閣有「鬥陣拚台語」比賽？！
展覽現場有台語家庭抾點活動閣會當換獨家禮物！哪會有遮爾好空的代誌！無來絕對會後悔！
「拚台語 Piànn Tâi-gí」巡迴展，邀請逐家做伙入來阮的展覽行踏！
⌂✧*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚✧⌂*｡⌂＊.°⌂·˚⌂✧*｡⌂＊.°⌂·˚✧⌂
🌟 展覽重點緊來看，予你「有食閣有掠」：
- 【🗺️ 聽看覓臺灣地方的聲音】
台語聲調懸懸低低，親像咧唱歌。遮的聲音裝置，會當聽著台語的聲調，嘛會當聽著無仝所在的腔口。緊來聽「臺灣的聲音」！ - 【👾 鬥陣拚台語】
這改展覽特別設計的數位遊戲，無論你是「當咧學行的台語初學者」，抑是純度100％「正港內行的」，做伙來拚台語、提稱號！ - 【✍️ 互動創作裝置】
現場有提供羅馬字貼紙，邀請你佇展板頂鬥出你的台語語句。閣會當用平板錄音，予你的聲音佇展覽場回響，成做展覽的一部份。 - 【📖 台語文共讀】
阮有準備上豐富的台語繪本佮冊，上適合阿公阿媽𤆬孫仔、爸爸媽媽陪囡仔講故事，嘛適合一个人提一本佮意的台語冊，做伙佇遮感受母語的溫度。
💰 台語家庭大放送！頓印仔＆獨家禮物兌換說明 💰
✅ 只要你加入「培育台語家庭計畫」註冊而且縛定台語家庭／社群，就會當換台語家庭限定尪仔袋仔。
✅ 獨家頓印仔任務：佇展覽現場完成DM頓印仔任務，而且有正確回答關主的問題，就有一改抽獎的機會！（L夾/貼紙/冊籤，抽一个）
✅ 加入LINE官方口座提徽章：註冊台語家庭會員而且加入LINE官方口座，就會使提著展覽獨家徽章。
✅ 鬥陣拚台語：只要挑戰鬥陣拚台語，得著Level.4(包含)以上稱號，共挑戰成功畫面傳去LINE官方口座，就會使提著展覽獨家加薦零星袋仔（數量有限，送完為止）。
✅ 開始抾點足簡單！加入台語家庭平台會員，若是參加現場抾點活動（佇accupass頂懸報名），就會使開始抾點！。
⚠️ 展覽開放佮關展時間備忘：
- 展覽地點佇審計365新創聚落 中興街民生路口棟2F
- 逐工攏是10:30 開展。
- 拜一到拜四 攏佇 18:30 關展。
- 拜五到禮拜 延長開放到 19:00 關展。
歡迎報名的逐家提早出門先到展覽現場參觀！
