50年代出世的台語紳士，彎來斡去的人生風景
寫予所有經過禁聲時代，猶原選擇行向母語的人
語言，就是咱欲送予後一代的等路
《人生大轉踅》是盧廣誠七十冬的人生故事，出世佇移民家庭，因為細漢的時致覺家己華語講袂順，伊開始大量閱讀、苦練發音，予伊未來佇廣播、教學領域有實腹的基礎。
退伍了後，人生閣一擺大轉踅，自工程專業，插班考入淡江中文系，投入語言的世界。佇一擺機緣接觸台語教學，開始自學羅馬字，音韻、語法一項一項摸，研究臺灣華語按怎受台語影響，得著學界肯定。日後，推捒臺羅拼音、母語保存，靠對智識的熱情，替台語釘根。
0607《人生大轉踅：盧廣誠彎斡的台語路》新書分享會
日期：2026/06/07（星期六）時間：1400-1600地點：左轉有書（台北市中正區鎮江街3-1號）主講：盧廣誠（本書作者）、王秀容（台語文作家）
※免費入場．歡迎報名參加！
